Heyət

1974-cü ildə Bakı şəhərində anadan olub.

1991-ci ildə Bakı Maliyyə-iqtisad Kollecində mühasibatlıq ixtisası üzrə, 1997-ci ildə Bakı Dövlət Əmtəəşünaslıq və Kommersiya İnstitutunda (indiki UNEC)  iqtisadçı ixtisası üzrə, 2001-ci ildə Bakı Dövlət Universitetində hüquqşünaslıq ixtisası üzrə təhsil almışdır.

İqtisadiyyat üzrə fəlsəfə doktoru (2004-cü il) və Hüquq üzrə elmlər doktoru (2018-cı il) elmi dərəcəsi və Dosent  (2009-cu il) elmi adı var. 

Əmək fəaliyyətinə Bank sistemində başlamışdır.

1988-1994-cü illərdə Bank sistemində əməliyyatçı vəzifəsində işləmişdir.

1994-2012-ci illərdə Azərbaycan Respublikası Vergilər Nazirliyinin audit, hüquq və digər qurumlarında işləmişdir.

2012-2020-ci illərdə Azərbaycan Respublikası Vergilər Nazirliyinin Tədris Mərkəzi rəisinin elmi işlər üzrə müavini vəzifəsində işləmişdir.

2020-ci ildən hal-hazıradək Azərbaycan Respublikası İqtisadiyyat Nazirliyi yanında Dövlət Vergi Xidmətinin Tədris Mərkəzinin rəisi vəzifəsinin müvəqqəti icraçısıdır.

Azərbaycan Dövlət İqtisad Universitetində müəllim kimi, Bakı Dövlət Universitetinin hüquq fakültəsinin dosenti (2007-ci ildən hal-hazıradək) kimi fəaliyyət göstərmişdir.

Çapdan çıxmış 90 elmi əsərin, Xaricdə çıxmış 48 elmi əsərin müəllifidir.

AMEA-da ölkəmizdə hüquq elminin inkişafı üzrə Milli Strategiyanın və Dövlət Proqramının icrası ilə əlaqədar yaradılmış İşçi Qrupunun üzvüdür. 

AMEA-da FD.01.103  Dissertasiya Şurasının üzvüdür.

Azərbaycan Səmti müəyyən etmə Federasiyasının Prezidentidir.

Azərbaycan Respublikası Milli mühasiblər Forumunun Təşkilat Komitəsinin üzvüdür.

“Tərəqqi” medalı (2021-ci il), AMEA-nın Fəxri Fərmanı (2010-cu il), Azərbaycan Respublikası Vergilər Nazirliyinin Fəxri Fərmanı və s. təltif olunmuşdur.

Rus dili, ingilis dili və türk dillərini bilir.