Gənclərin peşə hazırlığının artırılması məqsədilə Azərbaycan Universitetinin tələbə və məzunları üçün "Yay məktəbi" təşkil edilmişdi
23 iyun 2017-ci il tarixdə Vergilər Nazirliyinin Tədris Mərkəzi ilə Azərbaycan Universiteti ilə arasında əməkdaşlıq memorandumu imzalanmışdır. Memorandum çərçivəsində Azərbaycan Universitetinin bir sıra tələbə və məzunları üçün “Gənclərin peşə hazırlığı” təcrübə proqramına uyğun olaraq 1-5 avqust 2017 ci il tarixində yay məktəbi təşkil edilmişdir. Yay məktəbi zamanı tələbə və məzunlara gələcək karyeralarında onlar üçün faydalı ola biləcək mövzular üzrə təlimlər təşkil edilmişdir.Təlim mövzuları aşağıdakıları əhatə etmişdir:
- Azərbaycanın vergi tarixi və vergi siyasəti;
- Vergi qanunvericiliyinin nəzəri və praktiki aspektləri;
- Azərbaycan Respublikasının büdcə sistemi;
- Vergi orqanlarında xidmət keçmə;
- Vergi ödəyicilərinin qeydiyyatı və uçotu;
- Vergi ödəyicilərinə göstərilən xidmətlər;
- Mühasibat uçotunun əsasları;
- Komanda qurmaq bacarığı, işgüzar ünsiyyət ;
- Vaxtın idarə edilməsi.
Yay məktəbi zamanı təlimlərlə yanaşı iştirakçıların asudə vaxtlarının maraqlı keçirilməsi üçün də şərait yaradılmışdır. Beləki iştirakçılar üçün Vegi muzeyinə, Nəsrəddin Tusi adına Şamaxı Astrofizika Rəsədxanasına, Mirzə Ələkbər Sabirin ev muzeyinə, Tarix diyarşünaslıq muzeyinə ekskursiyalar təşkil edilmişdir.
Təcrübə proqramının sonunda Tədris Mərkəzi tərəfindən iştirakçılara sertifikatlar təqdim edilmişdir.
“Gənclərin peşə hazırlığı” təcrübə proqramına digər ali təhsil müəssisələrinintələbə və məzunların da cəlb edilməsi nəzərdə tutulmuşdur.
